Mashtrime me rezervimet online për pushime

Ilustrim, Pixabay

Një pushuese, Sarina Rauber kishte rezervuar në një hotel në Maltë për pushime përmes platformës Booking.

Ajo u kontaktua nga hoteli që iu kërkua të konfirmonte të dhënat e saj.

“Më dërguan një mesazh përmes bisedës në faqen zyrtare të internetit sepse duhet të verifikoja kartën time të kreditit”, tha ajo për 20minuten.

“U befasova kur pashë që mbiemri im dhe shuma për hotelin nuk përputheshin me rezervimin”, shtoi ajo dhe e kuptoi që është mashtrim në momentin që iu kërkua një kartë e dytë krediti.

“As një minutë pasi mbylla dritaren, mora një telefonatë nga një numër i panjohur që nuk iu përgjigja”, tha ajo, përcjell albinfo.ch.

Përveç në Booking, edhe në platformën Anëalt.de janë paraqitur metoda të reja mashtrimi. Platforma është në dijeni për këtë po nuk jep numër të saktë të personave që u prekën.

Sipas Booking, kriminelët kibernetikë tani kanë rrëmbyer llogaritë e tyre.

“As sistemet dhe as infrastruktura e Booking.com nuk u depërtuan. Në thelb kemi ekipe që kujdesen për sigurinë e llogarive dhe përmirësojnë vazhdimisht proceset e tyre”, thuhet nga platforma për 20minuten.

Sven Fassbender, specialist në sigurinë e informacionit dhe bashkëthemelues i firmës konsulente Zentrust, ka një probabilitet të lartë që llogaritë të rrëmbehen në fillim të sezonit të festave.

“Shumë pushues janë aktualisht nën stres dhe nuk duan të rrezikojnë pushimet e tyre me asnjë çmim, gjë që rrit shanset për një mashtrim të tillë”, u shpreh ai.

Si rregull i përgjithshëm, hotelet nuk i kontaktojnë kurrë mysafirët e tyre me një kërkesë pagese direkte përmes chat-it. “Pra, nëse ju merrni një kërkesë të tillë, nuk duhet të klikoni në lidhje.” Hapi tjetër është të kontaktoni shërbimin e klientit të platformës, përcjell albinfo.ch.