Mathys (BAG): Situata, “relativisht e mirë” – me re të errëta në horizont

Një lehtësim i shpejtë dhe i qartë për të sëmurët rëndë, nuk pritet së shpejti. Prandaj situata në spitale mbetet e tensionuar

Në Bernë, në këto çaste BAG (Zyra Federale e Shëndetit Publik) është duke e mbajtur një konferencë shtypi për gjendjen aktuale të pandemisë.

Patrick Matyhs, Shef i Seksionit të Menaxhimit të Krizave dhe Bashkëpunimit Ndërkombëtar, në BAG, ka dhënë një pasqyrë të përgjithshme të situatës aktuale të koronës, raporton srf.ch.

Numri i rasteve po bie në shumicën e kantoneve. Incidencat ndryshojnë midis 70 dhe 530 infeksioneve për 100,000 banorë. Incidencat më të larta gjenden ende në popullatën e re dhe në rajonet me shkallë të ulët të vaksinimit, thotë Mathys.

Një lehtësim i shpejtë dhe i qartë për të sëmurët rëndë, sipas Mathys, nuk pritet së shpejti. Prandaj situata në spitale mbetet e tensionuar.

Numri i testimeve ka rënë ndjeshëm (qëkur testet janë bërë me pagesë). Shkalla e pozitivitetit, megjithatë, është rritur. Vlera e riprodhimit ndonjëherë rritet përsëri mbi 1, gjë që mund të çojë në rritje të sërishme të numrit të infeksioneve.

“Ne shohim një prirje drejt përkeqësimit të epidemisë,” tha Mathys. Shpejtësia e vaksinimit nuk do të jetë e mjaftueshme për të kundërshtuar këtë zhvillim negativ”.

---