Mbi 7 mijë pako me vota nga diaspora kanë arritur në Kosovë

Mbi 7 mijë pako me vota nga diaspora kanë arritur tashmë në Kosovë, prej të cilave mbi 2 mijë janë dërguar me postë të shpejtë (DHL) dhe më shumë se 5 mijë të tjera janë dërguar përmes Postës së Kosovës, transmeton albinfo.ch.

Zyra për Regjistrimin e Partive Politike dhe Certifikim e Komisionit Qendror të Zgjedhjeve ka njoftuar se janë pranuar pakot me fletëvotime nga DHL Kosovë.

“Këto pako të përcjella nga Policia e Kosovës, pastaj do të vendosen në hapësirën e ruajtjes, e cila gjendet në ndërtesën e Ministrisë së Infrastrukturës në rrugën ‘Fehmi Agani’ në Prishtinë”, thuhet në këtë njoftim. /Albinfo.ch