Mbretëria e Bashkuar shton Zvicrën në listën e shteteve që duhet të karantinohen

(KEYSTONE/Gian Ehrenzeller)

Të enjten u shtua Zvicra në listën e vendeve nga të cilat udhëtarët që vijnë në Mbretërinë e Bashkuar do të duhet të karantinohen.

Karantina 14-ditore vlen nga e shtuna, 29 gusht, në 3:00 GMT (5:00 e mëngjesit në Zvicër). Ministri i transportit në Mbretërinë e Bashkuar, Grant Shapps njoftoi të enjten duke treguar se masa ishte e nevojshme për të ngadalësuar përhapjen e virusit.

“Të dhënat tregojnë se ne kemi nevojë për të hequr Republikën Çeke, Xhamajken, Zvicrën nga lista jonë e korridoreve të udhëtimit”, tha Shapps në një deklaratë.

Njerëzit që vijnë nga Kuba megjithatë nuk do të duhet më të karantonohen, shtoi ai.

Zvicra ka pasur rritje të rasteve gjatë javëve të fundit – 361 raste të reja pozitive në 24 orët e fundit duke e çuar mesataren e 7 ditëve në mbi 266, shkruan swissinfo.ch, përcjell albinfo.ch