Më 10 shtator fillojnë eksportet në dy krahët?

Por, është raportuar se mund të dalin probleme të tjera pasi　nuk mjafton vetëm pranimi i vulave për të eksportuar mallra

Mallrat serbe do të mund të hyjnë në Kosovë me datë 10 shtator, pasi këtë ditë paraqitet të hiqet reciprocitetit.

Por është raportuar se mund të dalin probleme të tjera pasi　nuk mjafton vetëm pranimi i vulave për të eksportuar mallra.

Për t’i eksportuar mallrat Made In Kosova duhet edhe një varg dokumentesh siç janë Euro 1, të cilat përmbajnë elementët e shtetësisë së Kosovës, shkruajnë mediat kosovare.

Por ministrja e Tregtisë dhe Industrisë Mimoza Kusari ka deklaruar se për çdo pengesë eventuale do të ketë reciprocitet me Serbinë.

“Ky do të jetë qëndrimi i yni. Nuk është se Kosova hyn me një proces ku ne i pranojmë vulat serbe dhe mallrat e tyre do të hyjnë në Kosovë të papenguara ndërsa prodhimet kosovare të ballafaqohen me pengesa. Në momentin kur t’i vërtetojmë këto pengesa nga ana serbe apo nga ana e shteteve të tjera, do të zbatohet reciprociteti”, ka deklaruar ministrja e Tregtisë dhe Industrisë Mimoza Kusari.

Kryesuesja e delegacionit të Kosovës Edita Tahiri, paralajmëroi se 10 shtatori do të jetë ditakur do të fillojnë eksportet në dy krahët.