Me dy muaj vonesë arrin vaksina kundër gripit sezonal në Kosovë

Ka arritur vaksina kundër gripit sezonal, ku kosovarët do të kenë në dispozicion që nga tash

Është bërë e ditur nga Ministria e Shëndetësisë (MSH) se në Kosovë ka arritur sot vaksina kundër gripit për kosovarët.

Realisht, kjo vaksinë do të duhej të ishte nga muaji tetor, mirëpo këtë vit ishte me dy muaj vonesë krahasuar me vitin e kaluar.

Vaksinat, sipas Ministrisë, kanë arritur sot në Kosovë, ndërkohë që shpërndarja e tyre pritet të fillojë nga dita e hënë e javës së ardhshme.

Kujtojmë se në vitin e kaluar, sipas një njoftimi të Institutit Kombëtar të Shëndetësisë Publike (IKSHP), vaksinat kishin filluar të shpërndaheshin më 5 tetor, ka shkruar koha.net

“Ju duhet të merrni një vaksinë kundër gripit përpara se viruset e gripit të fillojnë të përhapen në komunitetin tuaj, pasi duhen rreth dy javë pas vaksinimit që antitrupat të zhvillohen në trupa dhe të sigurojnë mbrojtje nga gripi. Bëni plane për t’u vaksinuar në fillim të vjeshtës, përpara se të fillojë sezoni i gripit. Qendra për Kontrollin dhe Parandalimin e Sëmundjeve rekomandon që njerëzit të marrin një vaksinë kundër gripit deri në fund të tetorit”, thuhet në një dokument të publikuar të kësaj Qendre, përcjell albinfo.ch.

 

---