Me ndihmën e Zvicrës, Kosova paraqitet në CeBIT

Në Hanover të Gjermanisë si çdo vit, ashtu edhe këtë vit mbahet panairi më i madh botëror për Kompjuterë dhe Elektronikë, CeBIT.

Kosova nuk është pjesëmarrëse e drejtpërdrejtë, por me ndihmën e Zvicrës, do të ekspozohen softuerët të cilët janë zhvilluar në Kosovë përmes kompanisë SIPPO.

Kjo kompani ka hapur projektin për ndihmën e shteteve të pazhvilluara në lëminë e informatikës. Produktet nga Kosova mund të gjenden në Sallën 2, Stacionin D30, në Hanover.

Panairi më i madh i zbulimeve teknologjike në botë, CeBIT, do të mbahet nga 1 deri më 5 mars.