Mërgimtaren Fikrije Salihun e rikthen profesioni në atdhe, pas 30 vjetësh

Kthimi nga Finlanda për të kontribuar në Kosovë

Tri dekada më parë kishte emigruar bashkë me familjen e saj, pra në vitin 1992, ende pa i mbushur 18 vjet, për në Finlandë, përcjell albinfo.ch.

Dhe tani pas 30 vjetësh jetesë atje, higjienistja dentare Fikrije Salihu është rikthyer në atdhe, më saktësisht, në kryeqytet, për të investuar në biznesin e saj.

Salihu thotë se u kthye në Kosovë për ta promovuar shëndetin oral dhe për të ofruar këshilla për nevoja individuale, sepse siç thotë ajo, statistikat e shëndetit oral botëror tregojnë se Kosova ka nevojë për përmirësim në këtë drejtim.

“Statistikat e shëndetit oral botëror tregojnë se Kosova ka nevojë për përmirësim në këtë drejtim, dhe unë jam këtu për të ndihmuar në këtë sfidë. Me angazhimin tim të vazhdueshëm dhe pasionin për profesionin tim, uroj të arrij aty ku synoj”, Shprehet ajo.

Salihu tregon gjatë bisedës se në Finlandë, në vendin ku ajo jeton, punon në gjashtë klinika të ndryshme herë me orarë të plotë, e herë “part time”.

 

---