Mërgimtarët në Merdare presin deri në katër orë

Mërgimtarët thonë se ka tre deri në katër orë që po presin për të dalë nga territori i Kosovës Në një video të publikuar në Facebook, shihen mërgimtarët që janë lodhur duke pritur me orë të tëra

Foto ilustrim

Vendkalimi kufitar në Merdare po vazhdon të mbetet pikëkalimi më problematik sa i përket kolonave të gjata.

Numri më i madh i mërgimtarëve i bien nga kjo pikë kufitare që të kthehen në vendet perëndimore ku jetojnë, shkruan Indeksonline.

Ndonëse sipas të dhënave të orës 22:16 në faqen zyrtare të MPB-së figuron që pritjet janë deri në 90 minuta në Merdarë dhe kolona 1 kilometërshe, mërgimtarët thonë të kundërtën.

Ata kanë thënë për Indeksonline se ka tre deri në katër orë që po presin për të dalë nga territori i Kosovës.

Në një video të publikuar në Facebook, shihen mërgimtarët që janë lodhur duke pritur me orë të tëra.

Ata për të kaluar kohën, dalin nga veturat dhe rrinë jashtë në këmbë.