Lajme

Mërgimtari 22 vjeç humbi jetën tragjikisht me motoçikletë

E enjte, 14 Tetor 2021 - 15:00 albinfo.ch

ilustrim

Një ngjarje e rëndë ka ndodhur në Terni të Italisë, ku një i ri shqiptar ka ndërruar jetë nga një aksident me motoçikletë, transmeton albinfo.ch.

Referuar mediave italiane, mërgimtari me inicialet R.K., me origjinë shqiptare, por rezident në San Gemini, ka vdekur në mënyrë tragjike nga një aksident. Bashkë me të udhëtonte edhe e dashura e tij, e cila ndodhet në gjendje të rëndë në reanimacion në spitalin Santa Maria.

Thuhet se çifti po udhëtonte me motor, kur 22-vjeçari humbi kontrollin e mjetit dhe u përplasja me një kamion. I riu humbi jetën në vendin e ngjarjes. /Albinfo.ch