Mërgimtari vdes teksa po kthehej pas pushimeve në Kosovë

Referuar raportit të Policisë së Kosovës, një mërgimtar ka vdekur në Podujevë teksa po udhëtonte me familjen e tij për në vendin ku jetonte.

Viktimës, sipas Policisë së Kosovës, i është përkeqësuar gjendja për një moment teksa ishte në veturë me familje.

Rasti ka ndodhur të hënën, rreth orës 06:00.

“Podujevë, 09.08.2021-06:00. Është raportuar se viktima mashkull kosovar, derisa ka qenë me familjen e tij duke udhëtuar me veturë për në Perëndim, për një moment i është keqësuar gjendja dhe ka ndërruar jetë. Vdekjen e tij e ka konstatuar ekipi mjekësor”, thuhet në raportin 24-orësh të Policisë së Kosovës.

Me vendim të prokurorit, trupi i pajetë i viktimës është dërguar në Insitutin e Mjekësisë Ligjore për obduksion.