Mërgimtarja nga Amerika ndihmon të mbijetuarit e dhunës në Kosovë

QKRMT/Fb

Liljana Gashi, një shqiptare që jeton në Shtetet e Bashkuara të Amerikës, ka ndërmarrë një aksion humanitar në Kosovë, përcjell albinfo.ch.

Gashi, biznesmene në Amerikë, ka ndihmuar me pako ushqimore të mbijetuarit e dhunës seksuale në Kosovë.

Lajmin e ka bërë të ditur Qendra Kosovare për Rehabilitimin e të Mbijetuarve të Torturës – QKRMT, dhe ka falënderuar atë.

“Qendra Kosovare për Rehabilitimin e të Mbijetuarve të Torturës –QKRMT, falënderon  Liljana Gashi, e cila jeton dhe vepron në SHBA. Një zonjë modeste, aktiviste, biznismene dhe, mbi të gjitha një humaniste me zemër te madhe, ndihmoi me artikuj ushqimorë të mbijetuarit e dhunës seksuale gjatë luftës në Kosovë. Në emër të të mbijetuarve të dhunës seksuale ju falënderojmë shumë për ndihmën tuaj”, kanë shkruar ata.