Meta thotë se ndryshimi i kufijve cenon parimet e BE-s

Presidenti i Shqipërisë, Ilir Meta, është shprehur se është kundër ndryshimit të kufijve, duke thënë se do të cenonte stabilitetin dhe rrezikon parimet e BE-së.

Meta ka thënë se dialogu Serbi-Kosovë është ndërtuar jo për të ndryshuar realitetin.

“Çdo tentativë për të imponuar modele të ndryshimit të kufijve jo vetëm do të cenonte stabilitetin e rajonit, por do të vinte në rrezik edhe frymën dhe parimet e BE-së, për të cilat është investuar nga themelimi i saj deri sot. Dialogu Serbi-Kosovë është ndërtuar për të udhëhequr procesin e pranimit të tij, në emër të paqes e stabilitetit. Ai është parakusht për integrimin evropian të të dy vendeve”, ka thënë në një intervistë për “Albanian Daily News”, përcjell albinfo.ch.

Ai ka thënë çdo diskutim dhe debat që ndihmon në kuptimin dhe pranimin e këtij realiteti është i mirëpritur, ndërsa çdo devijim nga ky realitet, përveçse provokon emocione dhe retorika populiste, nuk sjell dobi.