Metroja e Moskës ka nxjerrë në shitje disa prej shenjave ikonike

Adhuruesit e Metrosë së Moskës patën rastin të blejnë një mori shenjash ikonike të udhëtarëve, për pak orë pasi të njëjtat dolën në shitje. Entuziastët e koleksionuesit patën mundësi që të blejnë shenjat si Ndalohet Hyrja apo Nuk ka kusur pas orës 1 të mesnatës dhe të tjera gjëra. Në mesin e blerëseve ishte Elya Terentyeva, e cila tha se nuk ka ngrënë mëngjes vetëm që të mund të blejë një pjesë të historisë.

“Jetoj shumë afër nga këtu dhe në vend se të haja mëngjes erdha këtu. Kur erdha megjithatë kishin mbeturi disa prej shenjave, e tash jam pronare e lumtur”, tha ajo.

E çmimet për këto shenja varionin nga 25 dollarë e tutje, varësisht nga gjendja fizike e pjesës historike. Disa prej shenjave ekzistojnë që nga epoka sovjetike e të tjerat nga Rusia pas rënies së Bashkimit Sovjetik, shkruan albinfo.ch

E zëvendëskryetarja e Metrosë, Yulia Temnikova, tha se së shpejti edhe shenja të tjera do të dalin në shitje. Metroja në Moskë u hap në vitin 1934, me stacione që ngjanin me pallate nëntokësore. Ato ishin dekoruara me skulptura, mozaikë me shumë ngjyra që paraqisnin jetën sovjetike dhe episode të njohura historike sikurse Revolucioni rus, sundimi i Stalinit apo Lufta e Dytë Botërore.