Migracioni, në fokus të një festivali teatror

Moto e edicionit të sivjetmë, të gjashtë të "Secondofestival" që mbahet në Aarau është “Dinjiteti njerëzor"

Të premten, më 9 nëntor, mbahet për të gjashtën herë me radhë festivali i teatrove me emërtimin „Secondofestival“. Fjala është për një festival me shfaqje teatrore që kanë për temë jetën e të huajve ose të të rinjve me prejardhje të huaj, brezit të dytë (sekondove).

Shqiptarja Gjyle Krasniqi është udhëheqëse e këtij festivali tradicional.

Për herë të parë këtë vit festivali mbahet në teatrin “Tuchlaube” në Aarau.

„Secondofestival“ që fillon këtë të premte, përfundon tetë ditë më vonë, më 17 nëntor.

Ky festival është një platformë për njerëzit e tetatrit me prejardhje zvicerane dhe të huaj, të cilët, përqasjet e tyre teatrore i prezantojnë mpërmes migrantëve dhe me migrantët.

Në fokus të temës së festivalit është bashkëjetesa në mes të kulturave dhe ëndrrat e vizionet e njerëzve me prejardhje të huaj. Krahas kësaj, si moto e edicionit të sivjetmë të festivalit është “Dinjiteti njerëzor“.

Krahas pjesës garuese, ku konkurrojnë nëntë grupe teatrore nga Zvicra dhe Gjermania, këtë vit festivali është pasuruar me pjesëmarrjen edhe të dy grupeve profesionale teatrore, të cilat prezantojnë një punë veçanërisht të suksesshme teatrore „postmigrante“.

Hapja e festivalit është më 9 nëntor nga ora 19.30. Po këtë mbrëmje do të jepen këto tri shfaqje: „Wart schnell…“ (Ute Sengebusch/Firma für Zwischenbereiche, Basel) ; „Body Bazar“ (Freies Theater, Zürich); „Schweizerpass – Superstar“ (Maxim Theater, Zürich).