Migracioni në Zvicër ka shënuar rënie prej 6.9%

Në fund të shtatorit 2016 në Zvicër jetonin 2 milionë e 2155 të hua. Prej tyre 1 milion e 384905 ishin qytetarë të shteteve të BE-së dhe EFTA-s dhe 636620 të tjerë, shtetas të vendeve të treta

Në nëntë muajt e parë të këtij viti numri “neto” i të huajve të ardhur në Zvicër ka shënuar një rënie prej 6.9 për qind në krahasim me periudhën e njëjtë të një viti më parë. Me 44334 plus, numër ky që del pasi të hiqet numri i atyre që e kanë lëshuar Zvicrën, del se ka një zvogëlim prej 18.3%. Ndërsa më shumë se dy të tretat e të huajve ose 68.5% janë nga shtetet e BE-së dhe EFTA-s. Në të njëjtën kohë, braktisja e Zvicrës ka shtuar rritje prej 4.7%, thuhet në një komunikatë të SEM (Sekretariati Shtetëror për Migracion).

Në përgjithësi në Zvicër gjatë kësaj periudhe kanë ardhur për të punuar 103896 shtetas të vendeve të BE-së dhe EFTA-s. në krahasim me fundin e shtatorit të vitit 2015 kjo përbën një zvogëlim të numrit për 7.8%. Në këtë numër hyjnë si personat që bëjnë pjesë në popullatën e përhershme ashtu edhe ata me leje afatshkurtra të qëndrimit në Zvicër, shkruan albinfo.ch.

Gjatë kësaj kohe në Zvicër, në kuadrin e bashkimit familjar janë shpërngulur  34137 persona që është 5.1% më pak se në periudhën e njëjtë të vitit të kaluar. 20.1% të tyre kanë qenë anëtarë familjeje të një zvicerani ose zviceraneje.

Në fund të shtatorit 2016 në Zvicër jetonin 2 milionë e 2155 të hua. Prej tyre 1 milion e 384905 ishin qytetarë të shteteve të BE-së dhe EFTA-s dhe 636620 të tjerë, shtetas të vendeve të treta.