Migros po planifikon ulje të mëtejshme të çmimeve

(KEYSTONE/Melanie Duchene)

Në raportin e saj vjetor, zinxhiri më i madh i supermarketeve në Zvicër ka thënë se ka ulur çmimet në qindra produkte të saj gjatë vitit 2020 dhe po planifikon ta bëjë edhe këtë vit.

“Ne vumë re që klientët po reagojnë ndaj zbritjeve dhe ne po planifikojmë ulje të mëtejshme të çmimeve kudo që është e mundur”, tha presidenti i Migros, Fabrice Zumbrunnen, duke shtuar se filozofia e zinxhirit nuk është “vetëm për çmimin, por edhe për cilësinë”.

Migros, i cili ka mbi 1.000 dyqane në Zvicër, nuk zotëron vetëm dyqane ushqimore, por edhe dyqane sporti, elektronike dhe pajisje, si dhe një bankë dhe qendra të arsimit për të rritur.