Miliarda franga investime në ushtrinë zvicerane

Keystone

Këshilli Kombëtar i Zvicrës miratoi një mocion që synon të rrisë burimet financiare për ushtrinë deri në vitin 2030, nga 5 miliardë aktuale në vit në 7 miliardë, njofton albinfo.ch.

Ndërkohë shumë personalitete, grupe politike, mendojnë se çdo rritje e shpenzimeve për forcat e armatosura duhet të diskutohet në një kontekst më të gjerë. Para këtij vendimi, një analizë e thellë e situatës aktuale të konfliktit dhe pasojave të saj është thelbësore.

Sipas tyre, nocioni i sigurisë duhet kuptuar më gjerësisht. Nëse situata përkeqësohet, disa sektorë vërtet mund të preken shpejt: ekonomia, shoqëria, mbrojtja, prokurimi dhe të tjerët.

Ndërkohë mediat zvicerane shkruajnë se për këtë arsye, Dhoma e Popullit miratoi në heshtje një postulat që kërkonte rishikimin e nocionit të subsidiaritetit brenda Departamentit të Mbrojtjes. /Albinfo.ch