Milorad Dodik dënohet me një vit burg dhe gjashtë vjet ndalim politik

Keystone EPA/NIDAL SALJIC

Presidenti i Republikës Serbe, Milorad Dodik, është dënuar sot me vendim të formës së prerë, me një vit burg dhe gjashtë vjet ndalim politik, për moszbatimin e vendimeve të Përfaqësuesit të Lartë në Bosnje e Hercegovinë.

Gjykata sot konfirmoi aktgjykimin e shkallës së parë të datës 26 shkurt, me të cilin Dodik u dënua me një vit burg dhe ndalim gjashtëvjeçar për të ushtruar funksione politike teksa ky vendim është i pakontestueshëm, transmeton albinfo.ch.

Vendimi ndaj tij lidhet me dekretin e nënshkruar nga Dodik për shpalljen e disa ligjeve të cilat më parë ishin anuluar nga Përfaqësuesi i Lartë, Christian Schmidt. Me këto ligje, autoritetet e Republikës Sërpska tentuan të bllokonin zbatimin e vendimeve të Gjykatës Kushtetuese dhe të Përfaqësuesit të Lartë në këtë entitet, shkruan klix.ba.

I pandehuri tjetër në këtë çështje, Millosh Llukiq, ushtrues detyre i drejtorit të Gazetës Zyrtare të RS-së, u shpall i pafajshëm në shkallën e parë.