Ministri austriak bën thirrje për kontrollim më të rreptë të kufijve

Paralajmërohen kontrabandistët e njerëzve që përpiqen të përfitojnë nga lufta në Ukrainë dhe të abuzojnë me lëvizjen e refugjatëve për qëllimet e tyre.

Ministri i Brendshëm i Austrisë, Gerhard Karner (ÖVP), ka paralajmëruar se kontrabandistët e njerëzve po përpiqen të përfitojnë nga lufta në Ukrainë dhe të abuzojnë me lëvizjen e refugjatëve për qëllimet e tyre. Ai po bën thirrje që azilkërkuesit të trajtohen më shpejt dhe të zgjerohet mbrojtja në kufij, njofton albinfo.at.

Procedurat e shpejta të azilit nënkuptojnë se nëse një aplikant vjen nga një vend i sigurt i origjinës dhe nuk ka gjasa të jetë i suksesshëm, procedura e azilit mund të përfundojë brenda 72 orëve në rastin më të shpejtë të mundshëm. Ministria e Brendshme deklaron si kohëzgjatje maksimale 25 ditë.

Nga janari deri në maj 2022, 4,045 nga gjithsej 21,200 vendime për azil janë marrë në rrjedhën e procedurave të tilla të shpejta. Në vitin 2020 ka pasur 587 vendime të shpejta, në vitin 2021 3693, shkruan gazeta Krone.

 

---