Ministrja e Drejtësisë: Zvicra po përgatitet për refugjatët ukrainas

(AP Photo/Visar Kryeziu)

Zvicra po aktivizon planifikimin e emergjencës midis autoriteteve kombëtare dhe kantonale, si dhe po mbështet në ndihmën e qytetarëve privatë, për t’u përgatitur për ardhjen e ukrainasve që ikin nga lufta, ka thënë Karin Keller-Sutter.

Ministrja e Drejtësisë i tha gazetës NZZ am Sonntag se ajo nuk mund të thoshte se sa ukrainas do të mbërrinin në Zvicër, por se homologët e saj të BE-së folën në fillim të kësaj jave për pesë deri në shtatë milionë të zhvendosur të mundshëm.

Të dielën, Kombet e Bashkuara thanë se më shumë se 1.5 milionë janë larguar tashmë nga Ukraina që nga pushtimi rus më 24 shkurt, duke e bërë atë krizën më të shpejtë të refugjatëve në Evropë që nga Lufta e Dytë Botërore, përcjell tutje albinfo.ch.