Ministri i Mbrojtjes: Serbia reagoi shumë shpejt, ngjalli dyshime se sulmi ishte i përgatitur

Foto FB: Ejup Maqedonci

Ministri i Mbrojtjes në Kosovë, Ejup Maqedonci, ka thënë se reagimet e Serbisë karshi sulmit të mbrëmshëm në veri të Kosovës ngjallin dyshime se akti ka qenë i parapërgatitur.

Sipas tij, ata për të shfajësuar veten, e për të fajësuar dikë tjetër, përdorën këtë format të tillë të luftës.

“Për dallim të 24 shtatorit të vitit të kaluar, kësaj radhe reagimi nga Serbia dhe Lista Sërpska ka qenë shumë i shpejtë, më i shpejtë se reagimi që kemi bërë ne në Kosovë, dhe kjo me të vërtetë për mua tregon një pritshmëri për këto ngjarje, pikërisht nga këto institucione në Serbi, por edhe Lista Sërpska”, ka thënë ai për KlanKosova.

“Nuk dua të aludoj, pasi nuk kemi një hetim të përfunduar, mirëpo vlerësoj se gjithë ky reagim ka lënë shumë dyshime se e gjitha ka qenë e parapërgatitur, dhe në kuadër të narrativit për të shfajësuar veten dhe për të fajësuar dikë, është shfrytëzuar një format i luftës së tillë”, shtoi tutje ai, transmeton albinfo.ch.