Ministri nuk e zbaton vendimin e Qeverisë për rritjen e pagave

Vendimi i kryeministrit Ramush Haradinaj për rritje pagash të të gjithë kabinetit të tij shkaktoi reagime dhe polemika të shumta nga zyrtarët

Ministri i Financave të Kosovës, Bedri Hamza ka vendosur të mos e zbatojë vendimin e qeverisë për rritjen e pagave.

Ky hap vjen vetëm një ditë pas daljes konstatimit të Agjencisë Kundër Korrupsionit se vendimi i marrë nga ekzekutivi është i kundërligjshëm, përcjell albinfo.ch.

Vendimi i kryeministrit Ramush Haradinaj për rritje pagash të të gjithë kabinetit të tij shkaktoi reagime dhe polemika të shumta nga zyrtarët.

Ndërkohë, zëvendësministri i Financave, Fatmir Gashi deklaroi se ministria do të ekzekutojë pagat për kabinetin qeveritar vetëm nëse Gjykata Kushtetuese e legjitimon atë vendim.

“Pagat do të ekzekutohen, mirëpo për vendimin duhet të pritet vendimi legal nga Gjykata ku është dërgu ai vendim”, deklaroi zv/ministri Gashi, për “Insajderin”. “Pasi e kemi kontekstin në Gjykatën Kushtetuese, është i hapur, ne presim vendimin juridik dhe pastaj pasi të kryhet krejt kjo procedurë respektohet prej momentin që ka hyrë në fuqi ai ligj”.