Ministrja e Arsimit e Shqipërisë, kundër ndryshimit të ligjit për arsimin e lartë

Ministrja e Arsimit e Shqipërisë, Besa Shahini, deklaroi se nuk është e nevojshme të bëhen ndryshime ligjore për katër nga kërkesat e studentëve për ndryshimin e 4 neneve të Ligjit të Arsimit të Lartë. Gjatë raportimit në Komisionin e Medias, ministrja Shahini theksoi se nuk i sheh të domosdoshme që këto ndryshime të adresohen si ndryshime ligjore.

Sipas saj, senati i Universitetit është një organ që kërkon një lloj ekspertize të posaçme, që studenti nuk e posedon, përcjell albinfo.ch

Ajo u largua nga Komisioni i Medias, teksa po diskutohej për ligjin e arsimit të lartë dhe studentët. Kryetarja e Komisionit e konsideroi këtë si një shkelje të rëndë ligjore, por edhe fyerje ndaj deputetëve. Ndërsa opozita u shpreh kundër qëndrimeve të ministres.