Ministrja Keller-Sutter e bën publik e para vaksinimin e saj

Keller-Sutter është gjithashtu e vetëdijshme se jo të gjithë urdhëresat e Këshillit Federal për korona ishin të përsosura

Këshilltarja Federale dhe Ministrja e Drejtësisë nga FDP, Karin Keller-Sutter ka bërë publik vaksinimin e saj ndaj koronavirusit. “Po, unë jam vaksinuar”, është shprehur ajo të shtunën, në një intervistë për gazetat “CH-Media”.

Përveç virusit corona, 57-vjeçarja ka thënë se nuk ka frikë nga letrat kërcënuese ose nga prania e shtuar e policisë në paraqitjet e Këshillit Federal. “E marr parasysh atë” thotë ajo.

“Shumica e qytetarëve tanë e kuptojnë që ne marrim vendime për gjithë  vendin dhe njerëzit.”

Situata e kërcënimit nuk është përkeqësuar, por ka ndryshuar, ka shpjeguar më tutje politikania e  FDP”, transmeton albinfo.ch. Por kjo me të vërtetë prek vetëm një pakicë ndërsa shumica dërrmuese e njerëzve nuk sillen ashtu” është shprehur ajo lidhur me kërcënimet nga skeptikët dhe mohuesit e koronavirusit.

Keller-Sutter është gjithashtu e vetëdijshme se jo të gjithë urdhëresat e Këshillit Federal për korona ishin të përsosura. “Në situatën aktuale as që mund të jenë. Ne shpesh duhet të zgjedhim midis dy zgjidhjeve jo të kënaqshme”, ka theksuar Keller-Sutter.

Sidoqoftë, qeveria gjithmonë ka dalë me një zgjidhje të përbashkët, ka shtuar tutje Keller-Sutter për gazetat “CH-Media”, përcjell albinfo.ch.  “Këshillit Federal në asnjë rast nuk i është dashur të votojë për ndonjë marrëveshje lidhur me koronën” ka thënë ajo.

Për më tepër, qeveria tashmë është duke punuar në një plan se si Zvicra një ditë të dalë nga bllokimi, shpjegon më tej Keller-Sutter. “Vitin e kaluar, ne pamë se mënyra për të dalë nga bllokimi është nganjëherë më e vështirë se vetë bllokimi”, ka thënë veç tjerash këshilltarja federale.

---