Miqësi dhe bashkëpunim mes Italisë dhe Kosovës

Në Ministrinë e Mbrojtjes me protokollin shtetëror dhe ceremoni më të lartë ushtarake, ministri i Mbrojtjes, Anton Quni priti në vizitë zyrtare, homologun e tij, ministrin e Mbrojtjes së Republikës së Italisë, Lorenzo Guerini me delegacionin e tij të lartë ministror, diplomatik dhe ushtarak.

Pas vizitës në Kosovë, Guerini ka shkruar përmes Facebook’ut për takimet që ka pasur në Ministrinë e Mbrojtjes me homologun e tij, Anton Qunin.

Ai ka thënë se është krenari që në prag të Krishtëlindjeve të jetë në Kosovë.

“Miqësi dhe bashkëpunim mes Italisë dhe Kosovës, Sot me homologun tim Anton Quni, përsëritëm angazhimin në Ballkanin Perëndimor për stabilizimin e rajonit. Konfirmohet rëndësia e Nato Kfor Mision, shtyllë për sigurinë rajonale”, është shprehur Guerni, transmeton albinfo.ch.