Miss Austria prezantohet me mjekër në “Miss Universe”

Guxim i madh i Amina Dagit. Kandidatja e Austrisë në “Miss Universe” do të paraqitet krejtësisht ndryshe nga vajzat e tjera në këtë konkurs bukurie. Ajo ka vendosur që para jurisë dhe publikut të shfaqet me mjekër dhe mustaqe, ashtu siç ishte shfaqur bashkatdhetaria e saj, këngëtarja Conchita Wurst, në Euro Song 2014, nga ku edhe fitoi vendin e parë. Spektakli i Miss Universe do të mbahet më 20 dhjetor, në skenën e Planet Hollywood Hotel&Casino të Las Vegasit.

“Kjo do të jetë një shenjë e guximit dhe tolerancës”, ka thënë Dagi, raporton oe24.at, përcjell albinfo.ch.
Një tjetër detaj që do të bartë Miss Austria në këtë spektakël, sipas medieve austriake, është edhe veshja kombëtare e saj, e cila është dizajnuar nga kreatori izraelit –suedez, Aviad Arik Herman.

20-vjeçarja Amina Dagi është ambasadore për integrime, por ajo gjithashtu njihet edhe si një femër e guximshme.

Albinfo.ch