Lajme

Mjeku shqiptar rrëfen përvojat personale nga fronti kundër virusit në Itali

E shtunë, 2 Maj 2020 - 9:00 albinfo.ch

KEYSTONE/EPA/ANDRZEJ GRYGIEL POLAND OUT

Mjeku shqiptar Genc Kapxhiu, që punon në Itali tregon leksionin që mësoi pandemia e koronavirusit.

“Kjo pandemi na mësoi se nuk duhet kurrë të ngelësh prapa por duhet të azhornohesh në çdo moment. Dhe nuk duhet neglizhuar asgje.”

Në një intervistë televizive Genci i cili ka punuar 6 vjet në spitalin e Durrësit tregon se ku dallohet mjekësia shqiptare dhe ajo në Itali.

“Shqipëria është një shkollë jashtëzakonisht e fortë nga ana praktike, nga ana teorike jo. Në Itali ndryshon bëjmë shumë teori e më pak praktikë.Po shtohet shumë numri i të shëruarve dhe pak nga pak po bie numri i të vdekurve. Të gjithë reanimacionet po boshatisen. Nuk ka më shtretër të plotë dhe pandemia pak nga pak po eliminohet.”

Genc Kapxhiu tregon se së bashku me mjekët e spitalit ku punon do të sjellin 1 mijë maska gratis për mjekët e urgjencës në Shqipëri. / Ora News /Albinfo.ch.