Moti i kësaj jave në Zvicër është me reshje shiu

unsplash

Pas ditëve të motit shumë të nxehtë, me temperatura që i kalojnë 30 gradë Celsius, parashikimet kërkojnë reshje shiu gjatë ditëve të fundit të këtij muaji, sipas Meteonews, njofton albinfo.ch.

Në përgjithësi, disa stuhi kanë goditur tashmë disa pjesë të Zvicrës të dielën në mbrëmje dhe gjatë natës. Dita e sotme dhe pjesa tjetër e javës do të karakterizohet nga reshje të dendura rajonale, të shoqëruara me erëra të forta dhe temperatura më të ulëta.

Ndërsa dielli mund të kthehet shkurtimisht të mërkurën dhe të enjten, përkeqësim i mëtejshëm pritet mes të enjtes mbrëma dhe të premtes.

Në varësi të sasisë së shiut që do të bjerë në ditët në vijim, reshjet mund të sjellin të paktën një lehtësim në tokën jashtëzakonisht të thatë, thonë meteorologët.