MTI-ja vendos masë mbrojtëse 17% për produktet e qumështit nga Bosnja

Vendimi është marrë pas një hetimi që është konstatuar se importi nga Bosnja dhe Hercegovina është rritur mbi masën 20 për qind dhe ka ndikuar në dëmtimin e produkteve vendore

Ministria e Tregtisë dhe Industrisë ka marrë vendim për vendosjen e masës së përkohshme mbrojtëse prej 17%  për importin e qumështit me origjinë nga Bosnja e Hercegovina.

Nëpërmjet një komunikate për media, kjo ministri thotë se vendimin e  ka marrë pas një hetimi që është konstatuar se importi nga Bosnja dhe Hercegovina është rritur mbi masën 20 për qind dhe ka ndikuar në dëmtimin e produkteve vendore si dhe për faktin se sipas MTI-së importi i këtyre produkteve nga ky vend është me çmim të ulët e i cili është nën koston e prodhimeve vendore të qumështit. Kjo masë mbrojtëse sipas MTI-së ndikon rreth 3 mijë bujq fermerë që kanë ferma me nga 5 e deri 250 lopë dhe mbi 30 përpunues të qumështit.