Mungesa e energjisë elektrike do të jetë prezente edhe në Zvicër

Pavarësisht se Zvicra shquhet si një nga shtetet që ka më së shumti pllaka të instaluara të energjisë diellore, duket se kriza energjetike do ta prek edhe këtë shtet

Pavarësisht se Zvicra shquhet si një nga shtetet që ka më së shumti pllaka të instaluara të energjisë diellore, duket se kriza energjetike do ta prekë edhe këtë shtet me mungesën e saj, transmeton albinfo.ch.

Duke qenë se raportet mes BE-së dhe Zvicrës nuk janë aq të mira, kriza e fundit që po paralajmërohet për energji elektrike, do të prekë Zvicrën, duke e lënë edhe pa zgjidhje për shkak të raporteve me BE-në.

Para pak ditësh, edhe presidenti zviceran, Guy Parmelin, po paralajmëron se për shkak të negociatave të dështuara me Bashkimin Evropian, Zvicra rrezikon të mos ketë furnizim të mjaftueshëm me energji elektrike brenda tre vjetëve.

Zviceranët janë të lidhur me rrjetin evropian, gjë që bën të mundur furnizimit të sigurt me energji elektrike në Zvicër.

“Me mungesë të energjisë elektrike, nënkuptojmë një situatë në të cilën kemi shumë pak rrymë për javë, apo edhe muaj”, tha Parmelin.

“Pas një pandemie, mungesa e energjisë elektrike paraqet rrezikun më të madh për Zvicrën”.

“Kjo do të thotë, për shembull, që fabrikat do të prodhonin më pak, se autoritetet publike dhe ofruesit si bankat do të duhej të reduktonin shërbimet e tyre, ose se mjetet e transportit me energji elektrike mund të lëviznin vetëm në një mënyrë të kufizuar”, shtoi ai.

 

---