Muzika e ftohtë nga instrumentet e akullit

Artisti norvegjez performon në pothuajse 50 koncerte e festivale në vit, shumica të realizuara në kushte shumë të ftohta dhe vende të ftohta si Kanada, Norvegjia apo Rusia

Derisa shumica e muzikantëve tentojnë të shmangin mirëpritjen e zhurmshme në koncerte, për një kompozitor norvegjez dhe përformues Terje Isungset ndjenja e ftohësisë s’është asgjë për t’u brengosur. Ai performon në instrumente që i krijon vet madje nga akulli.

Performanca e tij e fundit në sallën e festivaleve mbretërore në Londër përmbante një mori instrumentesh si daulle të gjitha nga akulli e bashkë me të përformoi edhe këngëtarja Maria Skranes. Ai e sheh punën e tij më shumë sesa krijim i muzikës, meqë me të shfaqen edhe shumë zbukurime tjera nga akulli.

“Gjithë këtë e shoh si pjesë të diçkaje akoma më të madhe. Nuk jam unë e projekti im dhe egoja ime por janë elementet” tha ai.

Norvegjezi zakonisht është i përcjellë në sfond me muzikën tradicionale skandinave dhe me jazz, dhe instrumentet e tij ai i krijon duke përdorur sharra dhe sëpata.

Themelues i një festivali të muzikës së akullt në Norvegji, artisti performon në pothuajse 50 koncerte e festivale në vit, shumica të realizuara në kushte shumë të ftohta dhe vende të ftohta si Kanada, Norvegjia apo Rusia.