Mynih: Dy filma shqiptarë u shfaqën para publikut shqiptar dhe gjerman

Filmat shqiptarë po gjejnë shtrirje edhe jashtë kufijve, disa prej tyre edhe po konkurojnë në çmimet më prestigjoze ‘Oscar’.

Filmat shqiptar “Çlirim” dhe “Kthimi” të regjisorëve Burim Haliti dhe Kastriot Abdyli që u shfaqën edhe në Mynih para publikut shqiptar e gjerman, ishin mjaft mbreslënës si me temat e shtjelluara ashtu edhe me aktrimin profesional, kostumografinë dhe regjinë, shkruan albinfo.ch.

Shfaqja e një sekuence mjaft të dhimbshme të luftës në Kosovë në filmin “Çlirimi“ të Burim Halitit dhe prezentimi i traditës dhe zakoneve tona, në veçanti vënja në pah e tolerancës ndërfetare që është një karakteristikë e kombit shqipëtar, pastaj zhvillimi i ngjarjes duke treguar edhe një virtyt shumë hyjnor, pra mbajtjen e besës, gjithnjë duke prezentuar veshjet tona të bukura dhe gjuhën e pastërt shqipe u shfaqën aq bukur në filmin “Kthimi“ të Kastriot Abdylit.

Fal ndihmës dhe përkrahjes nga Fondacioni Besa, u bë e mundur që përmes këtyre dy filmave të prezentohen këto vlera tonat kombëtare edhe para publikut ndërkombëtar. /Albinfo.ch

---