Çmimi i naftës në Zvicër në nivelin më të lartë historik

Një litër tani kushton mesatarisht 2.41 franga zvicerane, siç kaa bërë të ditur TCS. Kjo tejkalon rekordin e mëparshëm prej 2.40 frangash

Çmimet e naftës në Zvicër kanë arritur një rekord të ri. Një litër tani kushton mesatarisht 2.41 franga zvicerane, siç k bërë të ditur TCS (Touring Club Zvicër) në një njoftim për shtyp të premten.

Kjo tejkalon rekordin e mëparshëm prej 2.40 frangash, të vendosur në vitin 2022 pas pushtimit të Ukrainës nga Rusia, transmeton albinfo.ch. Çmimi i benzinës pa plumb 95 gjithashtu vazhdoi të rritet dhe tani është 2.10 franga për litër, shkroi TCS.

Të paktën benzina është ende më e lirë se sa ishte katër vjet më parë. Atëherë, një litër benzinë ​​pa plumb 95 kushtonte deri në 2.31 franga.

---