NATO, me stërvitjen më të madhe të mbrojtjes kibernetike

NATO dhe disa shtete partnere po marrin pjesë në një stërvitje katërditore të mbrojtjes kibernetike në Estoni.

”Gjatë stërvitjes, e cila filloi të martën, ekipet nga 38 vende duhet të mbrojnë sistemet e vërteta kompjuterike nga sulmet në kohë reale dhe të praktikojnë vendimmarrjen taktike dhe strategjike në situata kritike”, sipas Qendrës së Përsosmërisë së Mbrojtjes Kibernetike të NATO-s në Talin.

Organizata raportoi më shumë se 3 000 pjesëmarrës. transmeton dpa, përcjell albinfo.ch.

”Lufta kibernetike mund të mos jetë aq e dukshme, por ajo është e integruar në luftë”, tha ministri estonez i Mbrojtjes, Hanno Pevkur, duke iu referuar luftës së Rusisë kundër Ukrainës.

Që nga viti 2008, Estonia ka qenë shtëpia e qendrës së NATO-s, e cila është një lloj instituti ushtarak jashtë strukturës komanduese të aleancës ushtarake perëndimore.

Ajo u themelua në vitin 2007 pas një sulmi të gjerë kibernetik kundër Estonisë.