NATO nuk dëshiron një Luftë të re të Ftohtë

Sekretari i përgjithshëm i NATO-s, Jens Stoltenberg, deklaroi sot se shkelja nga ana e Rusisë e traktatit mbi raketat bërthamore me rreze të mesme veprimi (INF), i konsideruar një moment historik prej fundit të Luftës së Ftohtë, është një nga sfidat më të ngutshme në drejtim të sigurisë për Aleancën Atlantike.

Stoltenberg i bëri apel Moskës që të rikthehet ta respektojë atë, shkruan atsh, përcjell albinfo.ch.

“NATO nuk dëshiron një Luftë të re të Ftohtë”, deklaroi shefi i Aleancës.

”Nuk duam një garë të re armatimesh dhe i bëjmë apel Rusisë të rikthehet dhe ta respektojë traktatin INF”, shtoi ai.

”Në të njëjtën kohë NATO duhet të jetë gati për një botë pa INF dhe me më shumë raketa ruse’’, theksoi Stoltenberg, pas  bisedimeve me kryeministrin bullgar, Bojko Borisov, në Sofje.