Ndërprerja e djeshme e energjisë elektrike: Komisioni Evropian nis hetimet

(KEYSTONE/Christian Beutler)

Gjatë ditës së djeshme, në Shqipëri, Mal të Zi, Bosnjë-Hercegovinë dhe Kroaci ka pasur ndërprerje të energjisë elektrike.

Pas kësaj ndërprerje, rrjeti Evropian i Operatorëve të Sistemit të Transmisionit për Energjinë Elektrike ka njoftuar në një deklaratë me shkrim se do të nis një hetim ndërkombëtar për incidentin e djeshëm.

“ENTSO-E aktualisht po mbledh të dhëna teknike për këtë incident nga OST-të e prekura dhe do të ofrojë më shumë informacion rreth kësaj ngjarjeje në të ardhmen e afërt. Në përputhje me metodologjinë për klasifikimin e incidenteve, Komiteti i Operacioneve të Sistemeve të ENTSO-E do të zgjidhi një panel ekspertësh për të vlerësuar shkaktarët dhe pasojat e incidentit”, thuhet në njoftim, transmeton albinfo.ch.

Nga Mali i Zi kanë deklaruar se shkaku i prishjes rajonale të sistemit elektroenergjetik është pasojë e ngarkesës së madhe dhe rritjes së konsumit ditor dhe temperaturave të larta, por një hetim ndërkombëtar nga Shoqata Zyrtare Evropiane e Operatorëve të Sistemit të Transmetimit do të hetojë se nga kanë nisur problemet.

Operatoret e sistemeve të transmetimit kanë arritur të rikthejnë furnizimin e energjisë brenda 2 orësh.