Ndërron jetë 27-vjeçari nga Mitrovica, ishte aksidentuar në Strasburg të Francës

pixabay (ilustrim)

Pas aksidentit të rëndë që kishte ndodhur ditë më parë në Strasburg të Francës, ka ndërruar jetë Leonard Gashi nga Mitrovica.

27-vjeçari, i cili ishte aksidentuar të mërkurën, më 14 gusht, kishte qëndruar tri ditë në koma, pasi ishte përplasur në mënyrë direkte me një lis skaj rrugës, transmeton albinfo.ch.

Sipas raportimeve, kur shërbimet e urgjencës mbërritën në vendngjarje, viktima ishte i vetëdijshëm, por i bllokuar në veturën e tij.

Për shkak të gjendjes së rënduar, viktima ishte transportuar me helikopterin e sigurisë civile Dragon 67 në spitalin Hautepierre në Strasburg, ndërsa nuk ka arritur t’u mbijetojë plagëve.