Ndërron jetë miku i shqiptarëve, Eliot Engel

Ai u shqua për mbështetjen e tij të palëkundur ndaj Kosovës dhe popullit shqiptar

Ka ndërruar jetë ish-kongresmeni amerikan dhe miku i Kosovës, Eliot Engel.

Lajmi është bërë i ditur nga faqja zyrtare e qeverisë së Qarkut Westchester, transmeton albinfo.ch.

Si kryetar i Komitetit për Punët e Jashtme në Dhomën e Përfaqësuesve të Shteteve të Bashkuara, Engel ka luajtur një rol të rëndësishëm në forcimin e angazhimit amerikan në Ballkanin Perëndimor.

Ai u shqua për mbështetjen e tij të palëkundur ndaj Kosovës dhe popullit shqiptar, transmeton albinfo.ch.

Trashëgimia e tij mbetet ajo e një udhëheqësi me parime të forta, të përkushtuar ndaj vlerave demokratike dhe partneritetit ndërkombëtar.

---