Ndeshja e fundit për Dardanët

Kosova dhe Bjellorusia do të përballen në duelin për vendin e katërt në grup

Kosova nuk ka gjasa për kualifikim, megjithatë kërkon fitore për tifozët dhe prestigj.

Dardanët do të përballen me Bjellorusinë në Prishtinë nga ora 20:45, në duelin e fundit të grupit në kualifikimet e Euro 2024.

Kapiteni Fidan Aliti ka thënë se tani nuk është koha për analiza se çfarë ka shkuar mirë e çfarë keq, porse janë të përqendruar për të bërë një tjetër paraqitje të mirë para tifozëve dardanë. “Edhe pse nuk kemi gjasa për kualifikim, për neve kjo është një ndeshje e rëndësishme. Secili prej nesh duhet të fokusohet në këtë ndeshje dhe ta mbajmë pozitën aktuale në tabelë dhe të mos lejojmë Bjellorusinë të na kalojë”, ka thënë Aliti.

Kosova ka 11 pikë, si e katërta në grup, derisa Bjellorusia me nëntë pikë është e pesta.

---