Ndeshje zinxhirore në Bazel, 17 veta në spital

Ndeshja ka qenë aq e fortë, sa që tramvaji i linjës 2 ka dalë nga binarët, ku është përfshirë edhe autobusi i linjës 36

Sot, në orët e paradites, në një kryqëzim rrugësh afër qendrës së qytetit të Bazelit ka ndodhur një ndeshje vargore automjetesh, ku është përfshirë edhe një tramvaj.

Siç shkruan 20minuten.ch, ndeshja ka qenë aq e fortë sa që tramvaji i linjës 2 ka dalë nga binarët. Në ndeshje janë përfshirë edhe autobusi i linjës 36 dhe një automobil.

Një zëdhënës i Policisë së Bazelit ka vërtetuar lajmin për aksidentin, transmeton albinfo.ch Ai ka thënë se janë 17 persona që kanë marrë lëndime të shkallëve të ndryshme dhe që janë dërguar në spital.

Policia dhe ekipet shpëtimtare kanë shkuar në vendin e aksidentit, ndërsa është duke u bërë incizimi i vendit të ngjarjes. Zëdhënësi ka deklaruar se në orët e pasdites do të ketë informata më të hollësishme.

---