Ndryshimi në pagesa në Gjermani, nga janari

Masa e hyrë në fuqi nga janari i këtij viti erdhi pasi autoritetet gjermane vendosën të ndërhyjnë për të përmirësuar situatën

Nga janari në Gjermani është bërë e detyrueshme me ligj printimi i faturës nga shitësit për çdo transaksion të kryer në përpjekje për të luftuar evazionin fiskal, por pronarët e bizneseve, klientët dhe grupet e industrisë, që tani, janë lodhur me skemën.

“Për mua është e bezdisshme sepse nga 50 fatura që unë printoj çdo ditë, 49 prej tyre do t’i hedh në koshin e plehrave. Thuajse asnjë klient nuk do ta marrë atë”.

Në Gjermani, thonë tregtarët, çdo kasë në dyqanet e vogla ka çip elektronik që mund të lexohet në çdo kohë. Zyra e taksave ka akses në to që prej katër vjetësh. Ndaj kthimi te sistemi i vjetër, ai i printimit të faturave, konsiderohet i panevojshëm, transmeton TCH.

“Unë nuk mendoj se bizneset e vogla përpiqen shumë të evitojnë taksat. Është më mirë të kthesh sytë nga kompanitë e mëdha dhe të sigurohet që ato do t’i paguajnë çdo detyrim shtetit gjerman. Dhe përveç kësaj, është një shpenzim i madh i letrës”, thotë një tregtar, përcjell albinfo.ch.

Dhe, në fakt, bizneset e vogla ankohen se duhet të shpenzojnë para edhe për letrën e faturave. Bizneset që mbështesin ambientin, thonë se është i turpshëm një shpërdorim i tillë. Masa e hyrë në fuqi nga janari i këtij viti erdhi pasi autoritetet gjermane vendosën të ndërhyjnë për të përmirësuar situatën. “Nuk mund të pranojmë që shteti të qëndrojë duarlidhur, pa bërë asgjë, dhe thjesht të shikojë miliarda euro në taksa që humbasin”, kishte deklaruar vetë kancelarja gjermane, Angela Merkel.

---