Në Austri rriten aktet kriminale nga refugjatët

Shteti i Austrisë është duke u përballur me shtimin e akteve kriminale të kryera nga refugjatët.

© KEYSTONE

Sipas të dhënave të fundit të Ministrisë së Brendshme në Vjenë, vetëm në gjysmën e parë të këtij viti janë shënuar mbi 11 mijë vepra penale të kryera nga refugjatët.

Shifra i përafrohet totalit të akteve të tilla të kryera prej refugjatëve gjatë 2015-ës, kur u shënuar rreth 15 mijë vepra penale.

Shumica e veprave penale, mbi 3 mijë akte të regjistruara, lidhen me lëndët narkotike. Grabitjet zënë vendin e dytë, mbi 2400. Vepra të tjera penale përmenden kërcënimet ndaj personave, pjesëmarrje në sherre dhe akte dhune dhe krime me sfond seksual, shkruan krone.at, përcjell albinfo.ch.

Sipas kësaj gazete 1/5 e këtyre akteve janë kryer nga azilkërkuesit afganë. Pas tyre renditen algjerianët, marokenët e nigerianët.

Pjesa më e madhe e këtyre veprave penale janë kryer nga persona të moshave nga 14 – 17, të cilët përfitojnë lehtësi nga ndëshkimet, pasi konsiderohen minorenë.

Shifrat e publikuara nga Ministrisë e Brendshme tashmë është duke i shfrytëzuar e djathta radikale e FPO-s, të cilët kryesojnë sondazhet për zgjedhjet e ripërsëritura presidenciale të 2 tetorit, ku përfaqësohen me kandidatin e tyre Norbert Hofer.