Ballkani: Rritet korrupsioni, largohen banorët

Ilustrim: Prishtina

Këshilli i Bashkëpunimit Rajonal ka publikuar Barometrin Ballkanik për gjashtë muajt e parë të vitit 2023 dhe për këtë ka anketuar rreth 60 mijë qytetarë dhe 12 mijë biznese në Ballkanin Perëndimor lidhur me pritshmërinë e tyre për jetën dhe punën, situatën politike, social-ekonomike të rajonit, qëndrimet e tyre ndaj bashkëpunimit rajonal dhe integrimin e Ballkanit Perëndimor në BE.

Në gjashtë vendet e rajonit, Serbi, Shqipëri, Bosnjë e Hercegovinë, Mali i Zi, Maqedoni e Veriut dhe Kosovë, 27% e qytetarëve të anketuar mendojnë që niveli i korrupsionit është rritur dhe se mbetet problemi më shqetësues dhe penalizues sa i përket integrimit në BE.

38% të qytetarëve shqiptarë të anketuar, Shqipëria është vendi me korrupsionin më të lartë në rajon. Pasuar nga Bosnjë e Hercegovina dhe Maqedonia e Veriut me 26%, Mali i Zi dhe Serbia me 25% dhe e fundit sipas perceptimit publik, Kosova me 22%, shkruan DW.

Ndërkohë që 69% e qytetarëve në nivel rajonal mendojnë se ligji nuk zbatohet njëjtë për të gjithë.

75% e banorëve të Ballkanit Perëndimor nuk u besojnë partive politike dhe 45% ndihen të kërcënuar nga armët ilegale.

Ndërkaq, 71% e rinisë dëshiron të emigrojë, në nivel rajonal 44% duan të largohen nga vendi i tyre, shifër kjo që është 5% më e lartë se vitin e kaluar, përcjell albinfo.ch.

Sipas të dhënave nga Barometri Ballkanik 2023, 57% e qytetarëve duan të largohen nga Kosova, 45% – Milazi i Zi, 44% – Shqipëria dhe 41-Serbia.

Nivelin më të ulët në rajon e ka Bosnjë e Hercegovina, ku vetëm 38% e qytetarëve të saj të anketuar e projektojnë jetën e tyre duke u larguar nga vendi, shkruan DW.