Në cilët sektorë janë të detyrueshme vaksinimet në Austri?

(KEYSTONE/Laurent Gillieron)

Vaksinimet mbeten vullnetare në Austri, por janë të detyrueshme në disa profesione.

Qeveria austriake ka përsëritur se vaksina e koronavirusit nuk do të bëhej e detyrueshme. Mirëpo, në profesione të caktuara – posaçërisht ato ku rrezikohen më shumë njerëzit e pambrojtur – kanë kërkuar që punonjësit të vaksinohen, përcjell albinfo.ch.

Në përgjithësi, vetëm personat që punësohen mund të detyrohen të vaksinohen – d.m.th. një punëdhënës mund të urdhërojë që të gjitha vendet e lira të punës të plotësohen vetëm nga njerëz që janë vaksinuar plotësisht.

Kjo nuk është asgjë e re në Austri. Në Vienë, për shembull, stafit në sektorin e shëndetësisë i është kërkuar të vaksinohen kundër difterisë, fruthit, tetanozit, shytave, rubeolës dhe hepatitit B që nga viti 2017.

Ekspertët ligjorë sidoqoftë besojnë se nëse një punëdhënës nuk mund të të detyrojë të vaksinohesh, ata mund të të heqin nga puna nëse refuzon si “mjetin e fundit”. Arsyeja për këtë është se punëdhënësit i detyrohet një detyrë kujdesi stafit të tyre dhe klientëve. Nëse një anëtar i stafit nuk pranon të vaksinohet, ai po vë në rrezik stafin dhe klientët e tjerë, të cilat mund të kenë pasoja ligjore për kompaninë.

Në Vjenë të gjithë punonjësit e rinj shëndetësorë dhe socialë duhet të vaksinohen kundër Covid. E njëjta gjë është e vërtetë për punëtorët shëndetësorë dhe disa punëtorë të kujdesit për fëmijët në Burgenland, Austri të Ulët dhe Steiermark, përcjell tutje albinfo.ch.