Në ditën e Ushtrisë, një veteran i UÇK-së do të bëhet me shtëpi

Humanisti i njohur kosovar, Halil Kastrati ditën (sot, e premte) kur do të votohet ushtria e Kosovës ka vendosur ta bëjë me shtëpi një veteran të UÇK-së.

Kryetari i Shoqatës “Jetimat e Ballkanit”, Halil Kastrati, njofton se me rastin e formimit të ushtrisë së Kosovës do të shpërndajë një palë çelësa.

“Jetimat e Ballkanit me këtë rast do të ja bëjnë një surprizë të madhe një Veterani të luftës i cili përveç sëmundjes së rëndë jeton edhe me kushte shumë të rënda”, njoftoi Halil Kastrati në rrjetet sociale, përcjell albinfo.ch.

Më tej ai shton “Ahhh sa emocionuese për mua me bartë uniformën të cilën dikur e mbante vëllai im tash dëshmor”.

Shoqata Humanitare “Jetimat e Ballkanit” ka ndihmuar shumë familje me nevojë, duke i bërë me shtëpi. Ndihmë të madhe kanë dhënë edhe mërgimtarët, që vazhdojnë të ndihmojnë në Kosovë.