Në DokuFest një film për “shtëpitë e mërgimtarëve në Kosovë”

“Në mes” është filmi i parë debutues i regjisorit Samir Karahoda që do të vijë si premierë kombëtare në këtë edicion të DokuFest-it, përcjell albinfo.ch.

Me pak fjalë, filmi trajton dukurinë se si vëllëzërit dhe bijtë që jetojnë jashtë Kosovës, ndërtojnë shtëpi identike për të shprehur barazinë dhe unitetin në familje.

Filmi po ashtu nxjerrë në dritë çështje që lidhen me traditat në Kosovë, siç janë familjet e përbashkëta, migrimi dhe qëndrimet tradicionale.

“Në mes” do të shfaqet më 9 gusht te Lumbardhi, duke filluar nga ora 20:00. Ekipi dhe disa nga protagonistët e filmit do të jenë pjesëmarrës gjatë shfaqjes së filmit, e pastaj do të pasojë një diskutim me regjisorin e filmit Samir Karahoda dhe producentin Eroll Bilibani.

Së shpejti, albinfo.ch do iu sjellë një intervistë me regjisorin dhe detaje rreth temës që trajton filmi.

Rikujtojmë se muaj më parë, në Berlinale është shfaqur premiera botërore e këtij filmi.