Në faljen e gjaqeve ishte edhe Adem Jashari

Sot u bënë 20 vjet që nga rënia heroike e familjes Jashari, megjithatë, në vazhdën e faljeve të gjaqeve në Drenicë, ajo që bie në sy ishte edhe prezenca e komandantit legjendar Adem Jashari.

Në këtë falje e iniciuar nga Anton Çeta, shumë familje shqiptare i shtrinë dorën njëra-tjetrës, duke falë gjakun, njofton “Klan Kosova”.

Në pamjet e rralla të publikuara, shihet edhe komandanti legjendar, si njëri nga pjesëmarrësit në faljen e gjaqeve, përcjell albinfo.ch.

Ndërkohë, sot po vazhdojnë homazhet në kompleksin e Jasharajëve, për nder të kontributit të madh të tyre që kanë dhënë.