Në Gjermani pritet që pagesa minimale të rritet në 14 euro për orë

pixbay

Paga minimale në Gjermani do të rritet në dy faza, nga vlera aktuale 12 euro, në 12,82 euro në orë, përcjell albinfo.ch.

Gjermania do të rrisë pagën minimale në 12,41 € (13,51 dollarë) në orë, duke filluar nga 1 janari 2024, bazuar në rekomandimet e reja nga Komisioni i Pagës Minimale të vendit. Paga minimale aktuale është 12 € në orë.

Nga ana tjetër, Socialdemoratët e Gjermanisë angazhohen për një rritje të pagesës minimale në 14 euro për një orë. Kështu tha kryetari i kësaj partie, Lars Klingbeil, në një intervistë për gazetën „Bild am Sonntag“.

Referuar propozimit të tashëm të komisionit përgjegjës, pagesa minimale duhet të rritet prej 1 janari 2024 nga 12 në 12.41 euro për një orë. Mirëpo, Lars Klingbeil tha se kjo nuk mjafton në kushte të tashme të inflacionit të lartë. Prandaj, partia e tij do të angazhohet në qeverinë federale që Gjermania të zbatojë Direktivën Evropiane të Pagesës Minimale në vitin 2024. Atëherë kjo mund të rritet përsëri. „Nëse direktiva zbatohet plotësisht, pagesa minimale për një orë do të ishte midis 13.50 dhe 14 euro“, tha ai.