Kapet 25-vjeçari që tentoi t’i ikë policisë

Shërbimet e Policisë iu vunë në ndjekje dhe bënë të mundur kapjen e tij

Policia Kufitare në Qafë Botë të Sarandës ka ndaluar shtetasin A.A., 25 vjeç, banues në fshatin Vermik, Vlorë.

25-vjeçari ka ardhur nga shteti grek dhe gjatë kohës që po bëhej verifikimi i tij në sistemin hyrës, është larguar me shpejtësi duke tentuar t’u shpëtojë shërbimeve.

Shërbimet e Policisë iu vunë në ndjekje dhe bënë të mundur kapjen e tij në vendin e quajtur “Varrezat e Konispolit”.

Në tetor të 2018-ës ky shtetas ishte shpallur në kërkim, pasi dyshohet se ka vjedhur një automjet me anë të mashtrimit shtetasit italian G.L.

Vepër penale për të cilën Gjykata i ka caktuar masën e sigurisë “Arrest në burg”.

Materialet iu referuan Prokurorisë në ngarkim të tij për veprime të mëtejshme.

---